खडका ईलेक्ट्रिक एण्ड सप्लायर्समा नया वर्ष २०८१ को उपलक्ष्यमा शुभकामना सहित इलेक्ट्रोनिक्स सामानमा बिशेष छुटको ब्यावस्था छ।
काभ्रे । बाग्मती प्रदेशसभा सदस्य तीर्थ लामाले शैक्षिक क्षेत्रमा भएका समस्यालाई तत्काल समाधान गर्न पहल गर्ने बताएका छन् ।
सामाजिक संस्था सि नेपालद्रारा तेमालमा आइतबार आयोजित बालबालिकाहरुलाई आधारभूत सामाग्री बितरण कार्यक्रमलाई सम्बोधन गर्दै नेपाली कांग्रेस काभ्रे जिल्ला सभापति समेत रहेका सांसद लामाले सो कुरा बताएका हुन् ।
लामाले शिक्षा जस्तो संवेदनशील क्षेत्रलाई कुनै पनि शिक्षक , अभिभावक र अध्ययनरत सबैले खेलवाट नगरी गहन रुपमा लिएर अगाडी बढ़न सबैलाई आग्रह गरेका छन् । विश्वको जति बिकसित देशहरु छन् त्यो सबै शैक्षिक चेतनाका कारणले भएको दावी उनले गरे ।
` नेपालको शैक्षिक प्रणाली केवल सैद्धान्तिक, घोगन्तेमा मात्र सिमित रहेको छ´- उनले भने `अबको शैक्षिक कार्य ब्यवहारीक , गुणस्तर र वैज्ञानिक बनाउनुपर्छ ।´
जनताको समस्यालाई आफ्नै समस्या झैँ गरेर शिक्षा, स्वास्थ्य, खानेपानी र सड़क निर्माण कार्यलाई अगाडि बढाउन सक्दो प्रयास गर्ने उनको भनाइ छ । लामाले सि नेपाललाई धन्यवाद ब्यक्त गर्दै काभ्रेका ग्रामीण क्षेत्रका बालबालिकाको पहिचान गरी यो जाडो मौसममा सक्दो सहयोग गर्न आग्रह समेत गरे । संस्थाले ३५० बालबालिकालाई जाडोबाट बच्न जुत्ता तथा अन्य आधारभूत सामाग्रीहरु वितरण गरेको छ ।
कार्यक्रममा संस्थाको अध्यक्ष स्मिता मोक्तान, तेमाल गाउँपालिका अध्यक्ष चन्द्र लामा, वडा नं ३ का वडा अध्यक्ष, समाजसेवी राम लामा लगायतका अन्य विभिन्न अतिथि,बालबालिका र स्थानीयहरुको उपस्थिति रहेकोे थियो ।
