लगानी सम्मेलनमा विश्वका ५५ भन्दा धेरै देशबाट १६ सयभन्दा बढी सहभागी हुने

काठमाडौँ । सरकारले यही वैशाख १६ र १७ गते आइतबार र सोमबार लगानी सम्मेलनको आयोजना गर्दैछ । दुई दिनसम्म चल्ने तेस्रो लगानी सम्मेलनमा विश्वका ५५ भन्दा धेरै देशबाट १६ सयभन्दा बढी लगानीकर्ता सहभागी हुने लगाानी बोर्डको कार्यालयर्ले जानकारी दिएको छ ।   बोर्डले विश्वभरका २४ सयभन्दा बढी लगानीकर्तालाई सहभागिताको निम्तो दिएको थियो । त्यसमध्ये १६ सय जना सहभागी हुने भएका हुन् ।   लगानी सम्मेलनमा नेपालबाट ३८५ जना लगानीकर्ता सहभागी हुने बोर्डको कार्यालयले जनाएको छ । यस्तै चीनबाट २६५ जना र भारतबाट १४३ जना सहभागी हुने बताइएको छ ।   आजसम्म बोर्डले तयार पारेको सूचीअनुसार सम्मेलनमा अमेरिकाबाट ३३ जना लगानीकर्ता आउँदै छन् । जापानबाट २८ जना सहभागी हुनेछन् भने बेलायतबाट १४ जना र बंगलादेशबाट १३ र संयुक्त अरब इमिरेट्सबाट समेत १३ जना आउनेछन् । यसबाहेक जर्मनीबाट १० जना आउने बताइएको छ ।