संखुवासभामा तीन फिटसम्म हिउँ जम्यो

संखुवासभामा हिमपातका कारण जनजीवन प्रभावित भएको छ । शुक्रबारदेखि परेको भारी हिमपातले जिल्लाका किमाथांका, गुफापोखरी, टुटेदेउराली, सभापोखरी, मादीलगायत क्षेत्रका बासिन्दा प्रभावित भएका छन् । उक्त क्षेत्रमा तीन फिटसम्म हिउँ जम्दा पिउनेपानीको समस्या भएको छ । चिसोका कारण बालबालिका, बिरामी तथा वृद्धवृद्धा बढी प्रभावित बनेका हुन् ।