नागरिकता संशोधन ऐनविरुद्धको आन्दोलन उत्कर्षमा

नागरिकता संशोधन ऐनको विरोधमा भारतका विभिन्न स्थानमा एक सातायता जारी प्रदर्शन उत्कर्षमा पुगेको छ । प्रदर्शन चर्किदै गएपछि प्रधानमन्त्री नरेन्द्र मोदीले सबैलाई शान्ति कायम गर्न आग्रह गर्नुभएको छ ।
पूर्वोत्तर भारतबाट सुरु भएको आन्दोलनको अगुवाई पछिल्ला दिन विश्वविद्यालयका विद्यार्थीहरुले गरिरहेका छन् । राजधानी दिल्ली, मुम्बई कोलकत्ता, हैदराबाद लगायतका मुख्य शहरमा हिंसात्मक प्रदर्शन चर्किएको हो । नयाँ कानूनले तीनवटा मुश्लिम बहुल राष्ट्रबाट आई भारतमा बसोबास गर्दै आएका नागरिकलाई नागरिकता प्रदान गर्ने प्रावधान समेटेको छ ।
अहिले चर्किएको आन्दोलन दुई धारमा विभाजित भएको विश्लेषण गरिएको छ । केहीले मुश्लिम विरोधी आन्दोलनका रुपमा यसलाई लिएका छन् भने केहीले सीमा क्षेत्रमा आप्रबासी भित्रने डरले पनि आन्दोलनमा ऐक्यवद्धता जनाएको ठानिएको छ । प्रदर्शनका कारण हालसम्म ४ जनाको मृत्यु भइसकेको छ ।