नेप्से २० अंकले घटेर २६६१ मा झर्दा कारोबार भने साढे १९ अर्ब माथि

१४ श्रावण २०८१, सोमबार
काठमाडौं । साताको पहिलो दिन उच्च अंकले बढेको शेयर बजारमा सोमबार भने करेक्सन आएको छ ।

सोमबार दिनभरको उतार चढावका बीच २० अंक घटेर बन्द भएको हो ।

बजार खुल्ने वित्तिकै बढेर २७३७ को बिन्दुमा पुगेको नेप्से अपरान्ह २६६१ मा बन्द भएको हो । कारोबार रकम भने सोमबार ह्वात्तै बढेर साढे १९ अर्ब माथि पुगेको छ ।

सोमबार ३२५ वटा स्टकको चार करोड ७७ लाख ९० हजार कित्ता शेयर १९ अर्ब ६० करोड ९१ लाख रुपैयाँ बराबरमा खदिर विक्री भएको छ । नेप्सेमा रहेका १३ वटा उपसमूहमध्ये वित्त उपसमूह सर्वाधिक १ दशमलव ८८ प्रतिशतले बढेको छ भने जलविद्युत उपसमूहको परिसूचक ० दशमलव ८१ प्रतिशतले बढेको छ । अन्य ११ वटा उपसमूहको परिसूचक भने घटेका छन् । घटेका उपसमूह मध्ये व्यापार उपसमूह सर्वाधिक ४ दशमलव ५४ प्रतिशतले घटेको छ ।

घटेको बजारमा नेपाल फाइनान्सको शेयरमूल्य सर्वाधिक ९ दशमलव ७७ प्रतिशतले बढेको छ । तर आरम्भ चौतारी लघुवित्त वित्तीय संस्थाको शेयरमूल्य सर्वाधिक ८ दशमलव ३५ प्रतिशतले घटेको छ ।

सोमबार कारोबार रकमका आधारमा शिवम् सिमेन्टको सर्वाधिक ६१ करोड १२ लाख रुपैयाँ बराबरको शेयर कारोबार भएको छ । यस्तै, दोस्रो नम्बरमा कुमारी बैंकको ५५ करोड रुपैयाँ बढीको शेयर खरिदबिक्री भएको छ ।