खडका ईलेक्ट्रिक एण्ड सप्लायर्समा नया वर्ष २०८१ को उपलक्ष्यमा शुभकामना सहित इलेक्ट्रोनिक्स सामानमा बिशेष छुटको ब्यावस्था छ।
काठमाडाैं । अनेरास्ववियु रत्न राज्य लक्ष्मी (आरआर)क्याम्पस कमिटीले स्ववियु सभापति तपेन्द्रजंग शाहीलाई सम्मान गरेकाे छ ।
सोमबार आरआर को स्ववियु हलमा नेकपा एमाले कर्णाली प्रदेश कमिटीको सदस्यमा निर्वाचित भएकोले खादा सहित सम्मान गरिएको अनेरास्ववियु आरआरको अध्यक्ष लोकेश खड्काले जानकारी दिए ।
अनेरास्ववियुका पूर्व केन्द्रिय सचिव शाही ०७२ मा भएकाे स्ववियु चुनावबाट आरआर क्याम्पसकाे स्ववियु सभापतिमा निर्वाचित भएका थिए ।
सम्मान कार्यक्रममा बोल्दै अध्यक्ष खड्काले शाही विद्यार्थीहरुको लागि प्रेरणाको स्रोत रहेको दावी गरे ।
‘तपेन्द्र दाई स्ववियु सभापति हुँदै गर्दा क्याम्पसमा निकै राम्रा प्रशासकिय परिवर्त भएका छन्, दाईकाे याे कामले हामीलाई प्रेरणा मिलेकाे छ’ खड्काले भने-‘अहिले दाई कर्णाली प्रदेश सदस्यमा निर्वाचित भएर पार्टीकाे पनि एक महत्वपूर्ण जिम्मेवारीमा पुग्नुभएकाे छ । दाईलाई सफल कार्यकालकाे शुभकामना दिन अनेरास्ववियु आरआरले सम्मान कार्यक्रम गरेकाे हाे ।’
