एसिया कप: सुपर फोरको खेलमा भारत र पाकिस्तानबीच खेल जारी

२४ भाद्र २०८०, आइतबार
काठमाडौं । एसिया कप क्रिकेटअन्तर्गत सुपर फोरमा अहिले भारत र पाकिस्तानबीच खेल भईरहेको छ ।

श्रीलंकाको पालेकेले क्रिकेट रंगशालामा पाकिस्तानले भारतविरुद्ध टस जितेर पहिला बलिङ रोजेको छ । पाकिस्तानका कप्तान बाबर आजमले बलिङ रोजेपछि भारतले ब्याटिङ गरिरहेको छ । सुपर फोरमा भारतको यो पहिलो खेल हो भने पाकिस्तानले पहिलो खेलमा बंगलादेशलाई हराएको थियो ।

भारतीय टोलीमा केएल राहुल र जसप्रित बुमराह टोलीमा फर्किएका छन् । श्रेयस अय्यर र मोहम्मद शामी बाहिरिएका छन् । समूह चरणमा यी दुईबीचको खेल वर्षाका कारण रद्द भएको थियो । पाकिस्तान सुपर फोरमा लगातार दोस्रो जित निकाल्ने लक्ष्यमा छ । भारत पनि पाकिस्तानलाई पराजित गर्दै सुपर फोरको सुरुआत सुखद बनाउने लक्ष्यमा छ ।