टिचिङ अस्पतालले माग्यो ५० जना स्टाफ नर्स

काठमाडौँ । त्रिवि शिक्षण अस्पताल टिचिङले करारमा स्टाफ नर्सहरू माग गरेको छ ।

आज एक सूचना जारी गर्दै अस्पतालले करारमा नियुक्ति गर्न ५० जना स्टाफ नर्स माग गरेको हो ।

त्रिभुवन विश्वविद्यालय वा मान्यता प्राप्त शिक्षण संस्थाबाट नर्सिङ विषयमा प्रवीणता प्रमाणपत्र तह वा सो सरह उत्तीर्ण भई १८ वर्ष पूरा भई ४५ वर्षसम्मका महिला र ४० वर्ष ननाघेको पुरुषले आवेदन दिन सक्ने सूचनामा उल्लेख गरिएको छ ।

इच्छुकले आवेदन आजदेखि असोज ५ गतेसम्म दिन सकिनेछ ।

परीक्षा असोज १३ गते हुनेछ भने परीक्षाको समय र परीक्षा केन्द्र भने अर्को सूचना प्रकाशन गरी जानकारी दिइने अस्पतालले जनाएको छ ।