समृद्ध मन्थलीका लागि माघ ७ गते `मन्थली नगर विकास वहस´हुने

रामेछाप । रामेछाप काठमाडौँ सृजनशिल समाजले माघ ७ गते मन्थली नगरपालिकामा समृद्ध मन्थलीका लागि `मन्थली नगर विकास वहस´ गर्ने भएको छ ।

समाजले गर्दै आइरहेको रामेछाप विकास वहस अन्तर्गत मन्थली नगर विकास वहस गर्न लागिएको संस्थाको संयोजक कृष्णहरि बुढाथोकीले बताए ।

रामेछाप काठमाडौँ सृजनशिल समाज र मन्थली नगरपालिकाको साझेदारी कार्यक्रम अन्तर्गत माघ ७ गते शनिबार विहान ८ बजेबाट बाट शुरु हुने वहसले नीति कार्यक्रम तर्जुमा गर्न, साे काे प्रभावकारी कार्यान्वयन गराउन, विकासमा आम सचेतना र सक्रियता अभिबृद्धि गराउन सहयोग पुर्याउने उदेश्य रहेकोे संयोजक बुढाथोकीको भनाइ छ । साथै विकासका सवै पक्ष एकै स्थानमा रहेर सामुहिक विचार निर्माण गर्न, विकासमा जनसहभागिता एवम् पारदर्शिता बृद्धि गर्न, उधमशिलता तथा बजारिकरण लगायत विकासका विविध बहुआयामिक पक्ष तथा आयामहरुकाे चर्चा परिचर्चा मार्फत ठाेस जनमुखी नीति तर्जुमा एवं कार्यान्वयन गराउनु मुख्य उदेश्य रहेकाे उनले बताए ।

नगरपालिका अन्तर्गत सवै वडा अध्यक्ष एवम् वडा सदस्यहरु, विषय विज्ञ, जनप्रतिनिधि लगायत रामेछाप विकासका सवै सराेकारवाला वीच व्यापक प्रशिक्षणात्मक अन्तर्क्रिया भई समृद्ध मन्थली नगर निमार्णकाे प्रकृया दुर्ततर बन्ने लक्ष्य लिइएको आयोजकले बतायो ।

साथै नगर हल बाहिर साेही दिन रक्तदान कार्यक्रम समेत हुने भएको छ ।