खडका ईलेक्ट्रिक एण्ड सप्लायर्समा नया वर्ष २०८१ को उपलक्ष्यमा शुभकामना सहित इलेक्ट्रोनिक्स सामानमा बिशेष छुटको ब्यावस्था छ।



भोलि अर्थात् माघ १६ मा यसवर्षको वसन्त पञ्चमी..


 संवाददाता   January 29, 2020   438 जनाले पढ़िसके




भोलि अर्थात् माघ १६ मा यसवर्षको वसन्त पञ्चमी परेको छ । साधारणतया पञ्चमीबाट वसन्त ऋतुको सुरुवात हुने मान्यता राखिन्छ तर वास्तवमा पछिल्लो हजार वर्षदेखि कहिले पनि वसन्त पञ्चमीदेखि वसन्त ऋतुको सुरुवात भएको छैन । यसपटक पनि १६ गते वसन्त पञ्चमी परेको छ तर वसन्त ऋतुको आगमन भने फागुन १ बाट हुनेछ ।यसपटकको सरस्वती पूजा निकै विशेष मानिएको छ ।
ज्योतिषको दृष्टिकोणबाट हेर्ने हो भने पञ्चमी तिथिबाट ६ राजयोगसहित ७ शुभ योगको निर्माण भइरहेको छ । यसदिन किनमेल, मांगलिक कार्य, व्यापार र विद्या आरम्भसहित समग्र शुभ कामका लागि यो निकै राम्रो संयोग हो । सनातन परम्परामा वसन्त पञ्चमीबाट बालबच्चालाई पहिलो पटक विद्यालय पठाएर विद्यारम्भ संस्कार सिकाइन्छ ।
बनारस हिन्दु विश्वविद्यालयका ज्योतिषाचार्य पं. गणेश मिश्राका अनुसार प्राचिन कालदेखि सूर्य मीन वा मेष राशिमा प्रवेश गर्दा वसन्तु ऋतु मनाइन्छ । तर पछिल्लो हजार वर्षमा वसन्त पञ्चमीमा कहिले पनि वसन्त ऋतुको सुरुवात भएको छैन । अर्थात्, वसन्त पञ्चमी कहिले पनि वसन्त ऋतुबाट सुरु भएको छैन ।
यो पर्व सरस्वती पूजाका लागि महत्वपूर्ण मानिन्छ । यस दिन सरस्वती प्रकट हुने मान्यता राखिन्छ ।ज्योतिषाचार्य गणेश मिश्राका अनुसार यो वर्ष वसन्त पञ्चमीमा सूर्य र बुधबाट मिलेर विद्या योग बनिरहेको छ । यसबाहेक अन्य ६ राजयोग पनि बनिरहेको छ । जसका कारण ज्योतिषको दृष्टिकोणबाट पनि वसन्त पञ्चमी पर्व निर्क विशेष रहेको छ ।
वसन्त पञ्चमी विद्या योग बन्दा विद्यारम्भ संस्कार महत्वपूर्ण हुनेछ । त्यसकारण जो आमाबुवाले आफ्ना सन्तानको शिक्षा सुरु गर्न चाहन्छन्, यो वसन्त पञ्चमी उनीहरुका लागि विशेष फलदायी हुनेछ । यस्तै, ६ राजयोग बन्दा किनमेल वा कुनै पनि मांगलिक कार्य गर्न पनि शुभ दिन रहनेछ ।