खडका ईलेक्ट्रिक एण्ड सप्लायर्समा नया वर्ष २०८१ को उपलक्ष्यमा शुभकामना सहित इलेक्ट्रोनिक्स सामानमा बिशेष छुटको ब्यावस्था छ।

ताजा समाचार



मन्त्री रघुजित महाशेठ को गाडी ट्राफिकको फन्दामा, नो पार्किङ्मा रोकेपछी ह्विल लक,


 संवाददाता   January 3, 2020   231 जनाले पढ़िसके




काठमाडौं– पछिल्लो समय पार्किङ निषेधित क्षेत्रमा राखिएका सवारीसाधनमाथि कडाईका साथ कारवाही गर्दै आएको ट्राफिक प्रहरीले बहालवाला मन्त्रीको गाडीलाई पनि छाडेन ।
भौतिक पूर्वाधार तथा यातायात मन्त्री रघुवीर महासेठ चढ्ने बा २ झ ४८६२ नम्बरको गाडी ट्राफिक प्रहरीको कारवाहीमा परेको छ । बुधबार नयाँ बानेश्वरको सडक छेऊमा अनधिकृत रुपमा पार्किङ गरिएको मन्त्री महासेठको झण्डावाल गाडीमा ट्राफिक प्रहरीले ‘ह्वील लक क्लाम्प’ लगाएको हो ।
ट्राफिक प्रहरीले ‘नो पार्किङ’ क्षेत्रमा राखिएको गाडीलाई कारवाही स्वरुप ह्वील लक लगाएको स्रोतले बतायो । उक्त गाडीका चालकले एक हजार रुपैयाँ जरिवाना तिरेपछि छाडिएको ट्राफिक प्रहरीले जनाएको छ ।
गाडीमा मन्त्री महासेठ भने सवार नरहेको बताइएको छ । यद्यपि, मन्त्रीकै गाडी ट्राफिक प्रहरीको कारवाहीमा परेपछि भने सामाजिक सञ्जालमा व्यापक चर्चा चुलिएको छ ।
ट्राफिक प्रहरीले मन्त्रीको गाडीमा ह्वील लक लगाउँदै गरेको फोटो सामाजिक सञ्जालमा सार्वजनिक भएपछि मन्त्रीको आलोचना गर्नेहरुको भीड लागेको छ ।
अधिकांश फेसबुक प्रयोगकर्ताले मन्त्रीको गाडीमा ह्वील लक लगाउने ट्राफिक प्रहरीको प्रसंशा गरेका छन् । मदन मोहन श्रेष्ठ लेख्छन्, ‘सबै प्रहरी डरछेरुवा र घुस्याहा हुँदैनन् ।’
लक्ष्मण पाण्डे, अशिम के उपाध्याय, लक्ष्मण घिमिरे, सुवास अर्याललगायतले मन्त्रीको गाडीमा ह्वील लक लगाउने प्रहरीको जागिरको भविष्यप्रति चिन्ता व्यक्त गरेका छन् । केहीले ति ट्राफिकलाई वफादार, बहादुर र कामप्रति कर्तव्य निष्ठ प्रहरीको संज्ञा दिएका छन् ।