आगो ताप्दा जलेर एक महिलाको मृत्यु

बरहथवामा आगोले जलेर एक महिलाको मृत्यु भएको छ । चिसो छल्न घरको आँगनमा आगो बालेर ताप्ने क्रममा बरहथवा नगरपालिका–१७, का रामचन्द्र साहकी ४० वर्षीया श्रीमती राजमती देवी साहको जलेर मृत्यु भएको हो ।
बुधबार साँझ आगोले शरीरको पूरै भाग जलेर गम्भीर घाइते भएकी राजमतीको उपचारका क्रममा राती प्रादेशिक अस्पताल जनकपुरमा मृत्यु भएको इलाका प्रहरी कार्यालय मूर्तियाले जनाएको छ ।
चिसोबाट जोगिन जथाभावी आगो बालेर ताप्ने गर्दा दुर्घटना बढेको भन्दै सावधानी अपनाउन प्रहरीले आग्रह गरेको छ ।