खडका ईलेक्ट्रिक एण्ड सप्लायर्समा नया वर्ष २०८१ को उपलक्ष्यमा शुभकामना सहित इलेक्ट्रोनिक्स सामानमा बिशेष छुटको ब्यावस्था छ।

ताजा समाचार



सुनसरीमा हात्ती आक्रमणबाट तीन घाइते


 संवाददाता   December 26, 2019   205 जनाले पढ़िसके




सुनसरीको कोशी गाउँपालिकामा हात्ती आक्रमणबाट तीनजना घाइते भएका छन् । कोशी टप्पु वन्यजन्तु आरक्ष पश्चिम कुसाहाबाट निस्केर आएको जंगली हात्तीको आक्रमणबाट तीनजना घाइते भएको स्थानीय हासिम अन्सारीले जानकारी दिए ।
घाइते हुनेहरूमा कोशी गाउँपालिका वार्ड नम्बर ३ बस्ने जगदीश साह, उनकी पत्नी चननदेवी साह र बराह नगरपालिका ११ मधुवन बस्ने पेन्टलाल साह रहेका छन् ।
उनीहरूको धरानस्थित बिपि कोइराला स्वास्थ्य बिज्ञान प्रतिष्ठान र पेन्टलालको बिराटनगरको नोबेल अस्पतालमा उपचार भइरहेको अन्सारीले जानकारी दिए । उनीहरु कोसी टप्पुबाट सिटी सफारिमा घर तर्फ आइरहेको बेला हातीले आक्रमण गरेको थियो ।
कोशी टप्पु वन्यजन्तु आरक्षबाट निस्केर दिनहुँजसो गाउँ पस्ने हात्ती त्रासले कोशी क्षेत्रका सर्वसाधारण राति जाग्राम बस्दै आएका छन् । यद्यपि यसलाई रोक्न कोशी टप्पु वन्यजन्तु आरक्षले ठोस पहल नगरेको स्थानीयको गुनासो छ ।
कोशी टप्पु वन्यजन्तु आरक्ष सुनसरी, सप्तरी र उदयपुर जिल्लाको ७५ किलोमिटर क्षेत्रफलमा फैलिएको आरक्ष भित्रबाट गाउँ पस्ने हात्ती र अर्नाको समूहले अन्नबालीमा क्षति पुर्याउनुका साथै मानवीय क्षति समेत गर्दै आएको छ ।
गाउँ पस्ने जङ्गली हात्तीको त्रासले कोशी गाउँपालीका क्षेत्रका सर्वसाधारण वर्षौंदेखि आतंकित छन् । रातीको समय आउने हात्तीको समूहले स्थानीयका घर, गोठ भत्काउनुका साथै बालीनाली नष्ट गर्न थालेपछि सर्वसाधारण आतंकित भएका हुन । घेराबेरा गरिएपनि प्रभावकारी नभएकोले हात्ती गाउँ पस्ने क्रम नरोकिएको स्थानीय हासिम अन्सारी बताउँछन् ।
पटकपटक हात्ती आतंक रोक्न आफूहरूले ध्यानाकर्षण गराउँदा समेत कुनै सुनुवाइ नभएको उनले बताए । कोशी टप्पु वन्यजन्तु आरक्षबाट रातको समयमा आउने हात्तीको समूहले घर भत्काई भण्डारण गरी राखेको धान,गहुँ, चामल, पिठो, मकै, खाने र नष्ट गर्दै आएको छ ।