खडका ईलेक्ट्रिक एण्ड सप्लायर्समा नया वर्ष २०८१ को उपलक्ष्यमा शुभकामना सहित इलेक्ट्रोनिक्स सामानमा बिशेष छुटको ब्यावस्था छ।

ताजा समाचार



सुनसरीको इनरुवामा मनमोहन स्मृति एक दिवसीय पुरुष क्रिकेट प्रतियोगिता हुने


 संवाददाता   December 20, 2019   283 जनाले पढ़िसके




इनरुवा नगरपालिका, सुनसरी र मनमोहन मेमोरियल क्रिकेट सेन्टर प्रदेश १ कमिटीको संयुक्त आयोजनामा दोश्रो मनमोहन स्मृति राष्ट्रिय एक दिवसीय पुरुष क्रिकेट प्रतियोगिता पुष १५ गतेदेखि सुनसरीको इनरुवामा हुने भएको छ ।
इनरुवा रंगशालामा हुने प्रतियोगितामा तीन विभागीय टोली (आर्मी÷पुलिस÷एपीएफ), सात प्रदेश, मलेसियाको राष्ट्रिय टिम र आयोजक गरी १२ टिमले लिग कम नकआउटका आधारमा प्रतिस्पर्धा गर्ने प्रतियोगिता निर्देशक विप्लव घोषले जानकारी गराए ।
सहभागी टिमलाई ४ समूहमा विभाजन गरिने छ । समूहको शीर्ष टिम सोझै सेमिफाइनलमा पुग्ने छन् । विजेताले ४ लाख ५ हजार, उपविजेताले २ लाख ५ हजार तथा सेमिफाइनलमा पराजित हुने टिमले समान ३० हजार नगद पुरस्कार पाउने छन् । प्रत्येक खेलको ‘म्यान अफ द म्याच’ लाई ३ हजार ५ सय नगद प्रदान गरिने छ । ‘म्यान अफ द सिरिज’ लाई नगद ५५ हजारबाट पुरस्कृत गरिने छ ।
सम्मेलनमा राष्ट्रिय खेलकुद परिषद्का सदस्य–सचिव रमेशकुमार सिलवालले धेरै भन्दा धेरै एक दिवसीय क्रिकेटको आवश्यकता रहेका बेला त्यही फर्मेटको क्रिकेट गर्न गइरहेकोमा आयोजकलाई धन्यवाद दिदै प्रतियोगिताले इनरुवालाई चिनाउन अझ सहयोग पुग्ने विश्वास व्यक्त गरे । इनरुवा नगरपालिकाका मेयर राजन मेहताले प्रतियोगितालाई सफलतापूर्वक सम्पन्न गर्न सक्दो सहयोग गर्ने वचन दिए
मनमोहन मेमोरियल क्रिकेट सेन्टरका अध्यक्ष ठाकुर गैरेले पुरुष क्रिकेट आयोजना गर्दै आइरहेकोमा अब महिला क्रिकेट आयोजनामा पनि सेन्टरले ध्यान दिइरहेको बताए ।
प्रतियोगिता सञ्चालन गर्न एक करोड पच्चीस लाख २ हजार ५ सय खर्च हुने पत्रकार सम्मेलनमा जानकारी दिइयो । फाइनल माघ ४ गते हुनेछ ।