खडका ईलेक्ट्रिक एण्ड सप्लायर्समा नया वर्ष २०८१ को उपलक्ष्यमा शुभकामना सहित इलेक्ट्रोनिक्स सामानमा बिशेष छुटको ब्यावस्था छ।



’ए’ डिभिजन लिगमा आज दुई खेल


 संवाददाता   December 17, 2019   239 जनाले पढ़िसके




सहिद स्मारक ए डिभिजन लिग अन्तर्गत आज (मंगलबार) दुई खेल हुँदैछन् । लिगको तेस्रो दिन मंगलबार दशरथ रंगशाला र एन्फा कम्प्लेक्समा एक–एक खेल हुनेछन् ।
मंगलबार पहिलो खेलमा न्युरोड टिम एनआरटी र सरस्वतीबीच प्रतिस्पर्धा हुनेछ । खेल सातदोबाटोस्थित एन्फा कम्प्लेक्समा दिनको साढे १२ बजे सुरु हुनेछ ।
यस्तै, दशरथ रंगशालामा हुने दोस्रो खेलमा विभागीय टिम नेपाल पुलिस क्लब र हिमालयन शेर्पा दिउँसो साढे २ बजे आमनेसामने हुनेछन् । लिगको पहिलो खेलमा दुबै टिम स्पष्ट तीन अङ्क बटुल्न प्रयास गर्नेछन् ।
एनआरटीका मुख्य प्रशिक्षक राजुकाजी शाक्य पहिलो खेल निकै महत्वपूर्ण हुने हुँदा तीन अंकको लागि खेल्ने बताउँछन् ।
उनको प्रशिक्षणमा गतबर्ष च्यासलले आठौंं स्थान प्राप्त गरेको थियो । नेपाल यू–२३ टिम समेत हेरिसकेका उनी एनआरटीलाई शीर्ष ६ भित्र अटाउने लक्ष्यमा छन् ।
एनआरटीले यस पटक राष्ट्रिय टिमका पुर्ब सदस्य प्रकाश बुढाथोकी, सागका स्वर्ण बिजेता टिमका सदस्य स्ट्राइकर राजेश पराजुली सहित नेपाल पुलिस क्लबका पुर्ब कप्तान बिक्रम धिमाललाई मुख्य खेलाडीको रुपमा क्लबमा जोडेको छ ।
यता, सरस्वतीका प्रशिक्षक प्रदिप नेपाल पुन एनआरटीलाई लिगमा हराउने योजना रहेको बताउँछन् । गत बर्ष सरस्वती हेरेका उनी एनआरटीसंग सोही नतिजा निकाल्ने प्रष्ट पार्छन् ।