विराटनगर–पोखरा साताको तीनदिन सिधा उडान गरिने

बिहीबार १९, मङ्सिर २०७६
क्षेत्रीय उडान बिस्तारका रुपमा बिराटनगर–पोखराका लागि बुद्ध एयरले सिधा उडान गर्ने भएको छ ।
बुद्ध एयरले बिराटनगर र भद्रपुरबाट पोखराको लागि ट्रान्जीट उडान गर्ने जनाउँदै विराटनगरमा पत्रकार सम्मेलनको आयोजना गरेको हो ।
आगामी ३ फेब्रुअरी २०२० बाट सोमबार, बुधबार र शुक्रबार गरि एक सातामा तीन दिनको रुटमा उडान गरिने भएको छ । पोखराबाट पौने १२ बजे उड्ने जहाज विराटनगरबाट १ बजेर २० मिनेटमा पोखराका लागि उड्न गरी समय निर्धारण गरिएकाले भ्रमण वर्षको प्रारम्भमै हुने क्षेत्रीय उडानले आम यात्रुसँगै पर्यटकलाई समेत सुविधा पुग्ने अनुमान गरिएको छ ।
अब विराटनगरका यात्रु पोखरा जान काठमाडौं गईरहनु नपर्ने र पोखराका यात्रु पनि काठमाडौं नआइ सिधै विराटनगर आउन सक्ने भएका छन् । ३ महिनासम्म यात्रुको चापलाई ध्यानमा राखेर सिधा उडान गरिने बुद्ध एयरको तर्फबाट बिरेन्द्र बस्नेतले जानकारी दिए ।