प्रदूषणका कारण काठमाडौंमा बर्षे्नि १० हजारको मृत्यु

उपत्यकामा जाडोयाममा वायू प्रदुषण बढ्दै जान्छ । यो समयमा जसरी तापक्रम विस्तारै घट्दै जान्छ त्यसको ठिक उल्टो धुवाँ र धुलोले प्रदूषण मापनको आँकडा बढाउँदै लग्छन् ।
राजधानी समेत रहेको काठमाडौं उपत्यकामा विगत दुई बर्षदेखि विभिन्न स्थानमा जडान गरिएका सातवटा प्रदुषण मापन स्टेसनले हावाको गुणस्तरको सूचकांक अर्थात ‘एयर क्वालिटी इन्डेक्स(अक्वा)’ मापन गर्दै आएका छन् ।
गत साताको तथ्यांकले उपत्यकाको वायू प्रदुषणको स्तर ‘अस्वस्थ्यकर’ रहेको देखाएको छ । सन् २०१९ मा प्रकाशित ग्लोबल एयर रिपोर्टले विश्वको कुल मृत्युदरमा प्रदूषण पाँचौं कारक रहेको देखाएको छ ।
विश्व स्वास्थ्य संगठनका अनुसार प्रदूषण्का कारण काठमाडौंमा मात्रै बार्षिक झन्डै १० हजार मानिसको मृत्यु हुने गरेको छ ।