खडका ईलेक्ट्रिक एण्ड सप्लायर्समा नया वर्ष २०८१ को उपलक्ष्यमा शुभकामना सहित इलेक्ट्रोनिक्स सामानमा बिशेष छुटको ब्यावस्था छ।

ताजा समाचार



पार्किङ अभावले अस्त–व्यस्त यासोक बजार


 संवाददाता   October 3, 2019   324 जनाले पढ़िसके




आश्विन १६, २०७६
पाँचथरको कुम्मायक गाउँपालिकाको केन्द्र यासोक बजार पार्किङ अभावले अस्तव्यस्त बन्दै गएको छ ।
बजारमा दैनिक दर्जनौ सवारी साधन आइपुग्ने गरेका छन् । तर, पार्किङ अभावमा जथाभावी सवारी राखिदिँदा समस्या हुने गरेको छ । दशैंका बेलामा ग्रामीण भेगबाट हटिया भर्न बजारमै स्थानीय आइपुग्ने भएकाले पार्किङ नहुँदा बजार भद्रगोल हुने गरेको छ ।
स्थानीय तहले पनि सवारी साधनको लागि पार्किङ स्थल व्यवस्थापनमा चासो देखाएको छैन । बजार पनि अव्यवस्थित नै छ । हटियाको समयमा पनि बजारको बीचबाटै सवारी साधन आवतजावत हुने कारण थप भद्रगोल बनेको व्यवसायीहरू बताउँछन् । यासोक बजारमा लामो र छोटो दूरीका सवारी साधनको सङ्ख्या दिनानुदिन बढ्दै गइरहेको छ ।
एकातर्फ सवारी साधनको चाप बढ्दै गए पनि स्थानीय तहले दीर्घकालीन व्यवस्थापनका लागि योजना नल्याउँदा समस्या भइरहेको स्थानीय व्यवसायी तेजबहादुर बोहोराले बताए । बजारको बीचमा पूर्वमन्त्री पद्मसुन्दर लावतीको शालिक राखिएको छ ।
बजारको पार्किङ स्थलको विषयमा गाउँपालिकाले योजना बनाउँदै गरेकाले यो समस्या चाँडै हल हुने कुम्मायक १ का वडाध्यक्ष देबेन्द्रकुमार लावतीले बताए । बजारमा सार्वजनिक र व्यक्तिगत जग्गा भएकाले पहिचान गरेर समस्याको समाधान गरिने उनले बताए ।