खडका ईलेक्ट्रिक एण्ड सप्लायर्समा नया वर्ष २०८१ को उपलक्ष्यमा शुभकामना सहित इलेक्ट्रोनिक्स सामानमा बिशेष छुटको ब्यावस्था छ।



सरकारको बेइमानीमा समाजवादी पार्टी साझेदार ः गगन थापा


 संवाददाता   September 24, 2019   223 जनाले पढ़िसके




असोज ७, २०७६
नेपाली कांग्रेस नेता तथा पूर्वमन्त्री गगन थापाले सरकारको बेइमानीमा समाजवादी पार्टीले सघाउने गरेको आरोप लगाएका छन्। जनकपुरस्थित पार्टी कार्यालयमा मंगलबार बिहान आयोजित पत्रकार सम्मेलनमा नेता थापाले वर्तमान सरकार विगतका सम्झौताहरुलाई लत्याउँदै विधेयक ल्याउन लागेको आरोप समेत लगाए।

उनले विधेयक ल्याउनमा समाजवादी पार्टीले समेत सघाउने गरेको बताउँदै सरकारको बेइमानीमा समाजवादी पार्टी साझेदार बनेको बताए। नेता थापाले वर्तमान सरकारको शक्ति दुरुयोग रोक्न दशैंपछि सडक संघर्षमा उत्रने बताए। संसदलाई सडकसँग लगेर जोड्ने काम कांग्रेसले गर्ने बताए।

उनले अबको मिसन भने संविधानलाई संशोधन गराउँदै स्वीकार्य बनाउने रहेको पनि बताए। उनले संविधानको ‘माइबाप’ कांग्रेस भएकोले वाचा समेत पुरा गर्ने स्पष्ट पारे।
उनले संविधान च्यात्नुपर्छ भन्नेहरुले संविधान संशोधन गरी सर्व्स्विकार्य बनाउनेतिर लाग्न आह्वान समेत गरे। उनले चीनको राष्ट्रपति सि जिन पिङ नेपाल भ्रमणको पुर्वसंध्यामा नेकपा अध्यक्ष प्रचण्ड र प्रधानमन्त्री ओलीले सि विचारधारा अबलम्ब गर्नुपर्ने धारणा राखेकोमा आपत्ति जनाए।